Amdarxon İsusi t’ǒğǒl içoğoy əyloğot’un eşt’ay ki, Şot’in İz kula şot’oğoy loxol laxi xeyir-bərəkət tadane. Şagirdxon isə şot’oğo tet’un barey.
Mot’o ak’ala İsusen əcuğləyinşəki pine: «Bartanan əylux Bez t’ǒğǒl hareq’at’un! Şot’oğo galmadanan! Şot’aynak’ ki, Buxačuğoy padçağluğ metərt’oğoye. Və̌x düzinəz nex: şiin Buxačuğoy padçağluğa sa əyel k’inək’ nu q’abulbayin, t’et’iya sal sa vədə bayes tene bakon».
Əylux — Q’ončuğon yax tadala paye