İsus düzgün amdarxo təə, günaxkərxo k’alpseynak’e hare

İsus p’urum göle t’ǒğǒle taśi. Şot’ay t’ǒǒx gele amdare eysay, Şot’inal camaata zomebsay. Yaq’ c’ovakat’an naloggirbala gala arśi Halfay ğar Levina (şot’ay s’iya Mat’t’al next’uniy) ak’i şot’o pine: «Bez bač’anexun eki». Şoval hayzeri İsusi bač’anexune taśi. İsusi bač’anexun tağalxo geleney. Şot’aynak’al İsus Levin k’oya sulfin bel arśi šum uk’at’an gele naloggirbalxo q’a q’erəzəl günaxkərxo hari Şot’oxun q’a İz şagirdxoxun sagala šumt’un kəyi. Fariseyxoxun bakala k’anun zombalxon İsusi günaxkərxoxun q’a naloggirbalxoxun sagala šum uksuna ak’i, Şot’ay şagirdxo pit’un: «Mot’in het’aynak’e naloggirbalxoxun q’a günaxkərxoxun sagala šum uksa?» İsusen mot’o ibakat’an şot’oğo pine: «Sağlamt’oğoy tene, azarit’oğoye doxt’ura eht’iyəc bu. Zu düzgün amdarxo təə, günaxkərxo k’alpseynak’ez hare».
(Mat’feyen śampi Mǔq Xavar 2:13-17)