Şuva ef boş t’e içu müdrik, ə̌xilak’al hesabbalo? Barta mot’o izi hetər yəşəyinşbsunenq’an ak’est’i. Barta izi müdrik baksuna izi bit’oğo ç̌oyel nu duğsunenq’an ak’est’i. Ama təə, əgər paxılluğaxun ef piin şuk’k’ala tene aksasa, şuk’k’ali şaat’a tenan çuresasa — mo müdrikluğ tene! Axıri əgər paxılluğaxun ef piin şuk’k’ala tene aksasa, əgər və̌xun başq’a şuk’k’ala tenan çuresasa, saycə gərgürçiluğ saki pis əşur biq’sune bakon ef əş. Alaxun tadeğala müdrikluğ isə noxsansuz müdrikluğe. Şot’ay əş serluğ yaratmişbsun, amdarxoy ük’el basksun, yaq’ax taysun q’a t’iyə̌mint’aynak‘ ük‘ bok’ospsune bakon. Metər müdrikluğen şaat‘ əşure biq’est’on. Amdar c’ək’psuna q’a p’ə̌ç̌olaluğa iz biin nu haq’ala müdrikluğe mo. Me serluğa yaratmişalt’oğoy exp’aloval içoğoy bit’it’uxun c’eri düzgünluğe bakon.
(İak’ovi namak‘ 3:13-14a,16-18)
/от udiland
«Hetər çətinluğ c’eğale c’ereq’an, şot’o kala...
Ответить
Хотите присоединиться к обсуждению?Не стесняйтесь вносить свой вклад!