Əxlagsuzluği q’a cöybaksuni barada

Əxlagsuzluği barada
Və̌n «əxlagsuzluğ maba» pi tadeśi tapşuruğal ibakenan. Zu isə və̌x nexzu ki, çuğoy loxol lap hat’etər q’erəz piin běğsun içal ük’e boş əxlagsuzluğbsun upsune. Əgər vi yön piin va günaxane zap’esa, şot’o c’evk’a bosa. Şot’aynak’ ki, vaynak’ vi bədəni sa hissinə aç̌espsun dirist’ bədəni cəhənnəmə bosesunaxun şaat’e. Əgər vi yön kiin va pis yaq’ane zap’esa, şot’o bot’a bosa. Şot’aynak’ ki, vaynak’ vi bədəni maninesa sa hissinə aç̌espsun dirist’ bədəni cəhənnəmə bafst’unaxun şaat’e.

Cöybaksuni barada
«Şu iz çuǧoxun cöybakayin, şot’o cöybaksuni barada kağızq’an tadi» əyit bakene. Zu isə və̌x nexzu ki, saycə q’erəz işq’araxun biq’eśi çuğone c’evk’es bakon. Mot’oxun q’erəz k’ə bakale bakeq’an, iz çuğo c’evk’ala amdaren şot’o əxlagsuzluğbseynak’e c’evk’i baksa. İşq’araxun c’eri çuğo haq’alt’inal hametər günax bine baksa.

(Mat’feyen śampi Mǔq Xavar 5:27-32)