Dirist’ bakala Buxačuğoz qə̌věsa!

Marali turmoğon içu xe tağala ganu eçala k’inək’,
Bez ük’enal za Vaçe eşt’a, ay Buxačux!
İz ük’ xeneynak’ bok’ala amdaren xe qə̌věğala k’inək’ez qə̌věsa Va!
Dirist’ bakala Buxačuğoz qə̌věsa!
Het’aynak’en xə̌xə̌yesa, ay bez ük’?
Het’aynak’en q’ubarbsa?
Buxačuğost’a ak’a umudi ganu hun!
Vi Çark’est’al bakala, vi şükürbi İz s’iya alabala Buxačuğost’a!
Ğenaxun Q’ončuğone za İz nu badalbakala çuresuna ak’est’a,
Üşemoğo isə Şot’o k’alpi afırıpsunen,
Za yəşəyinş tadi Buxačuğoy s’iya alabala mə̌ğur mə̌ğpsunenez c’ovakest’a zu. Het’aynak’en xə̌xə̌yesa, ay bez ük’?
Het’aynak’en q’ubarbsa?
Buxačuğost’a ak’a umudi ganu hun!
Vi Çark’est’al bakala, vi şükürbi İz s’iya alabala Buxačuğost’a!
(Ǐvel mə̌ğ 42:1,5,8,11)